Plaid Cymru Pontypridd Wrth galon y gymuned

Oes diddordeb gyda chi mewn dod yn Gynghorydd?

Mae pobl yn rhoi llawer o resymau dros sefyll mewn etholiad, ond mae un thema amlwg iawn - yr awydd i wella eu cymuned leol.

Weithiau mae pethau penodol yn sbarduno rywun i ddweud "gallaf wneud hynny" efallai rhywbeth lleol iawn, fel gwella ardal chwarae, neu rhywbeth sy'n effeithio ar ardal fwy fel gwrthwynebu cynlluniau'r Cyngor i gau addysg 6ed dosbarth ar draws ardal eang.

Beth bynnag yw'r sbardun os ydych chi am newid RhCT (neu un o'r Cynghorau Cymunedol ar draws yr ardal) ac yn ystyried sefyll yn yr etholiad byddem wrth ein bodd yn clywed gennych. Dros y chwe mis nesaf, bydd Plaid Cymru yn dewis ei ymgeiswyr ar gyfer Etholiadau Cyngor Mai 2022.

Os hoffech gael sgwrs anffurfiol i drafod sefyll, cysylltwch â ni a bydd un o'n Cynghorwyr presennol yn rhoi caniad i chi.

FAQ's

Beth yw rôl Cynghorydd?

Etholir cynghorwyr i gynrychioli eu cymuned leol wrth redeg eu cyngor lleol. Mae cynghorwyr yn helpu i benderfynu sut mae gwasanaethau lleol yn cael eu darparu, eu hariannu a'u blaenoriaethu. Mae cynghorwyr yn gweithio gyda gweithwyr y cyngor i sicrhau bod gwasanaethau'n berthnasol ac yn cael eu darparu'n effeithiol.

Pa mor aml mae cyfarfodydd yn cael eu cynnal?

Mae hyn yn amrywio'n sylweddol yn ôl eich amgylchiadau unigol - cynhelir cyfarfodydd Cyngor Llawn unwaith y mis a bydd y mwyafrif o Gynghorwyr yn eistedd ar o leiaf un Pwyllgor, sy'n golygu o leiaf dau gyfarfod y mis.

A allaf sefyll?

Gall y mwyafrif o bobl sefyll etholiad yn yr ardal lle maen nhw'n byw neu'n gweithio, ond mae yna rai cyfyngiadau, er enghraifft os oes gennych chi swydd uwch mewn sefydliad a ariennir yn gyhoeddus, yna efallai na fyddwch chi'n gymwys i sefyll.

Mae Plaid Cymru yn awyddus iawn i sicrhau bod gennym ymgeiswyr o bob sector o'r gymdeithas, felly os ydych chi'n gweithio neu peidio, wedi ymddeol, yn ifanc neu'n hen, beth bynnag eich rhyw neu gefndir ethnig, byddem wrth ein bodd i glywed gennych.

A fydd fy nghyflogwr yn gadael imi gymryd amser i ffwrdd?

Mae'r rhan fwyaf o gyflogwyr yn hapus iawn i'w staff sefyll dros y Cyngor, maen nhw'n gweld hyn fel ffordd iddyn nhw fod yn gyflogwyr da ac yn cefnogi'r gymuned leol.

Gwybodaeth bellach

Gellir dod o hyd i ragor o wybodaeth ar Wefan Cymdeithas Llywodraeth Leol Cymru trwy glicio yma.