Plaid Cymru Pontypridd Wrth galon y gymuned

Heddiw (27 Tachwedd 2024), mae Aelod Senedd Plaid Cymru dros Ganol De Cymru, Heledd Fychan, wedi ysgrifennu at Ddirprwy Brif Weinidog Llywodraeth Cymru yn gofyn am fwy o gefnogaeth i gymunedau sydd wedi dioddef llifogydd. Gyda llawer o gymunedau unwaith eto’n delio â llifogydd, tro hwn yn dilyn Storm Bert, mae ei llythyr yn amlinellu pam mae’n rhaid gweithredu ar fyrfer gan gynnwys rhoi’r gwersi y dylid bod wedi eu dysgu ar waith yn dilyn effaith ddinistriol Storm Dennis ar yr un cymunedau yn 2020.  

📝 Arwyddwch yma Mae Llywodraeth San Steffan wedi cyhoeddi y bydd y Taliad Tanwydd Gaeaf – sydd werth hyd at £300 – nawr yn cael ei gwtogi trwy brawf modd. Dim ond pensiynwyr ar Gredyd Pensiwn neu rhai budd-daliadau eraill fydd yn ei dderbyn. Gallai'r toriad hwn adael hanner miliwn o bensiynwyr yng Nghymru yn waeth eu byd. Bydd cwtogi’r Taliad Tanwydd Gaeaf yn rhoi iechyd pobl mewn perygl, gan roi hyd yn oed mwy o bwysau ar ein Gwasanaeth Iechyd.  

Braf oedd croesawu bron i 100 o aelodau o bob rhan o’r Cymoedd i Bontypridd ar ddydd Sadwrn 28ain Medi. Wrth i’r Blaid ddathlu un o’i chanlyniadau Etholiad Cyffredinol San Steffan gorau erioed mae’n bwysig ein bod yn edrych tuag at etholiadau’r Senedd a’r Cyngor.